（03-04） (2/2)

收线之后， 我就开始继续努力地工作， 终于个客黎签左约之后， 跟住好快我再驾车落去补习社度， 泊好车后， 我行入左呢幢商业大厦再搭 lift 上楼， 远处已经望到单位之内陈老师正呆坐住响度等紧。

我加快脚步行到入补习社之内， 「唔好意思呀陈老师， 累妳要帮我凑志仔黎呢度添!」 陈老师又再用一贯甜笑表情黎咁同我讲， 「唔紧要， 志仔而家响入便补紧习， 不过今日星期五会比较多功课做， 所以补习社话佢可能要八点先至走得喎!」

八点， 我望下隻錶， 而家先至係五点几， 我再同陈老师讲， 「我有车响下便， 咁不如我驾车先送妳番左屋企先啦!」 陈老师再笑住同我点头示好。

同陈老师一齐搭 lift 落到楼下之后， 陈老师跟住同我讲， 「其实志仔佢真係好乖同好生性， 佢话我知其实你真係好辛苦， 又要番工又要凑佢番放学， 番到屋企仲要煮饭洗衫同帮佢温习， 吴生， 我同志仔一样都觉得你真係好叻呀!」

我个电话又响起， 係客人打电话比我问有无新租盘可以介绍， 但此刻陈老师听倒我对话之后， 心下即时谂起正想搬屋逃避前度男友呀俊事。

我收线后， 陈老师跟住就编左个故事黎同我讲， 「吴生原来係做地产经纪架， 咁啱嘞， 我同妈咪而家住紧果度， 个业主话响下个月租约到期之后就会大幅加我地租， 而家我正留意紧其他区有无啲比较平租啲屋可以搬， 係呢吴生， 唔知你可唔可以帮倒我咁呢?」

我问左陈老师而家佢住响边、 屋面积同交紧几多钱租， 跟住我就取个平板电脑出黎 bsp;完之后就话。

「我有个客， 佢长期留响外地但就有几间屋摆低左比我负责帮佢管理同放租， 咁啱其中一间屋上星期个租客就搬走左， 租金方面我可以同个业主倾唔好收得咁贵， 唔知陈老师有无兴趣而家上去睇下间屋咁呢?」

陈老师听到之后， 即时好开心咁点左一下头就嗌好。

我驾车同陈老师去到呢个租盘大厦楼下度， 上左楼后， 跟住我同陈老师就入左呢间四百零呎而装修得好简约两房单位之内， 陈老师似乎几锺意呢间屋咁， 见佢不时望下房内间隔， 一时就欣赏住窗外美景。

陈老师笑住同我讲， 「间屋其实我都几锺意， 但至于租金方面……」 我同陈老师讲租金方面我可以尽量帮佢同业主叫低啲， 而其实响心入面我亦希望真正能够帮倒陈老师佢， 我即时 ;比个业主同佢倾谈租金方面问题， 好快趣， 个业主亦答应我能够以低过市价黎将呢间屋租比陈老师。